Лакиерҙар йорто (Таганрог)
Иҫтәлекле урын | |
Лакиерҙар йорто (Таганрог)
Лакиерҙар йорто | |
Файл:Таганрог, Грек урамы, 42 фото 001.jpg | |
Ил | Рәсәй |
Ҡала | Таганрог, Грек урамы,42 |
Архитектура стиле | ордерһыҙ классицизм |
Нигеҙләнгән | 1830-се йылдар |
Статус | архитектура һәйкәле |
Лакиерҙар йорто— Ростов өлкәһе Таганрог ҡалаһындағы Грек урамы, 42-лә урынлашҡан тарих һәм архитектура һәйкәле.
Тарих[үҙгәртергә | сығанаҡты үҙгәртеү]
XIX быуат башында был кирбес стилендә төҙөлгән йорт Иван Андреевич Варваци милке була[1]. Билдәле булғанса, Александр I Таганрогҡа килгән сағында был ерҙәрҙә уның ағастан төҙөлгән ат һарайы торған. Ул ҡала ҡаҙнаһы аҡсаһына төҙөлгән. Ошо уҡ территорияла казак һарай полкының лейб-гвардиясылары йәшәгән.
Был йорт менән бер нисә популяр таганрог ғаиләләренең тарихы бәйле[2].
XIX быуаттың икенсе яртыһында өй коллежский кәңәшсеһе, Ростов өйәҙе дворянствоһының предводителе Марк Николаевич Варваци милкендә була. (башҡа мәғлүмәттәргә ҡарағанда — Варваки). 1836 йылда ул титуляр кәңәшсеһе ҡыҙы София Дмитриевна Альферакиға өйләнә. Варваци ғаиләһендә 2 ҡыҙы үҫә: Александр һәм Елена. Александра грек короле һарайының кешеһе Попудовҡа кейәүгә сыға, ә Елена «Русская геральдика» китабының авторы — Александр Борисович Лакиерға . Лакиерҙың «Рус геральдикаһы» китабы 1854 йылда баҫылып сыға һәм уның авторы был хеҙмәте өсөн Демидовский премияһына лайыҡ була[3].
Статистика мәғлүмәттәренә ҡарағанда, 1860 йылдың 1 ғинуарында йорттоң майҙаны-903 квадрат сажин тәшкил итә.
Александр Лакиер 1870 йылда, ә уның ҡатыны Елена — 1915 йылда вафат була. Уларҙың биш балаһы була: улдары Марк, Иван, ҡыҙҙары София, Александра һәм Елена (башҡа версия буйынса — Мария).
1910 йылда был йортта стивадорҙар артеле тора, 1918 йылда — Ҡыҙыл Армия отрядтары казармаһы урынлаша. 1920-се йылдарҙа ишегалды территорияһында «Гальваноэлемент» фабрикаһы эшләй. Беҙҙең заманда был торлаҡ йорт, һәм ул 1992 йылдан алып архитектура һәйкәле булараҡ закон менән һаҡлана[4].
Һүрәтләү[үҙгәртергә | сығанаҡты үҙгәртеү]
Ике ҡатлы йорт фасады сандриктар менән һәм һылап эшләнгән биҙәктәр менән биҙәкләнгән. Иң башта кирбес стилендә төҙөлгән йорт 1872 йылда ордерһыҙ классицизм стилендә яңыртылған.
Иҫкәрмәләр[үҙгәртергә | сығанаҡты үҙгәртеү]
- ↑ Энциклопедия Таганрога
- ↑ Гаврюшкин О. П. Г12 «По старой Греческой…» (Хроника обывательской жизни) — Т.: ООО «Издательство „Лукоморье“», 2012. — 514 с.
- ↑ Дома Лакиеров 2017 йыл 12 март архивланған.
- ↑ Жилой дом. 2017 йыл 12 март архивланған.